Вызваліўся палітзняволены бяздомны Аляксандр Кутас
Аляксандр Кутас — бяздомны з Мінска, якога затрымалі 1 снежня 2021 года паводле артыкула 342-2 КК за «неаднаразовае парушэнне парадку правядзення масавых мерапрыемстваў». У судзе Фрунзенскага раёна Мінска 2 сакавіка Аляксандра асудзілі да аднаго года калоніі агульнага рэжыму, піша «Вясна».
Пра Кутаса вядома, што яго 10 разоў кідалі на «суткі» па арт. 24.23 КаАП (несанкцыянаванае пікетаванне) у 2021 годзе. На Акрэсціна Кутас правёў мінімум 130 сутак арышту. Вядома, што ўвогуле Кутас правёў 22 гады ў месцах пазбаўлення волі.
Цяпер стала вядома, што Аляксандр выйшаў на волю і цяпер яму патрэбная дапамога з адзеннем і абуткам. Знайсці Кутаса можна каля станцыі метро «Каменная Горка» (з боку ТЦ GREEN).
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
