У Мінску зноў затрымалі экскурсаводку Аксану Манкевіч
Сёння раніцай у Мінску затрымалі 24-гадовую экскурсаводку Аксану Манкевіч. На праўладных тэлеграм-каналах з’явілася відэа з Аксанай, на якім дзяўчына кажа, што «прымала ўдзел у масавых мерапрыемствах у 2020 годзе, а таксама выходзіла на дарогу з бела-чырвона-белым сцягам», піша «Вясна».
Аксану ўжо двойчы затрымлівалі па «народных» артыкулах у 2021 годзе. Апошні раз яе арыштоўвалі на 15 сутак у лістападзе 2021-га. Тады ў яе замовілі экскурсію па Мінску, але ў прызначаны час на сустрэчу прыйшоў супрацоўнік міліцыі і адвёў Аксану ў ГУБАЗіК.
У выніку дзяўчыну абвінавацілі ў «непадапарадкаванні міліцыянту» і арыштавалі на 15 сутак.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
