Акупанты, захапіўшы ЧАЭС, адключылі ўсе камеры відэаназірання, акрамя адной — на офісе фірмы, якая арганізоўвае туры ў чарнобыльскую зону адчужэння.
Камера працягвала працаваць на працягу некалькіх дзён, пакуль у яе не скончыўся зарад батарэі. Сігнал з камеры перадаваўся на камп’ютар дырэктара фірмы, які адразу ж паведаміў пра відэа ўраду Украіны. На працягу некалькіх дзён супрацоўнікі фірмы сядзелі перад маніторамі і падлічвалі колькасць вайсковай тэхнікі, якая праехала пад камерамі.
Расійскія войскі ўтрымлівалі Чарнобыльскую станцыю больш за месяц.
