Яго справу па арт. 368 Крымінальнага кодэкса (абраза Лукашэнкі) у закрытым рэжыме разглядаў суддзя Антон Дудаль. Прысуд — два гады калоніі, паведамляе «Бабруйск Анлайн».
Андрэя затрымалі 28 красавіка наўпрост на працы — у яго уласнай роварнай краме «Веласпортмайстар». Разам з Бяляўскім забралі і яго непаўналетняга сына. Потым сына адпусцілі — аддалі бабулі з дзядулем. Пасля затрымання супрацоўнкі ГУБАЗіКа захапілі акаўнт Бяляўскага ў TikTok.
Падтрымайце Андрэя грашовымі пераводамі, пасылкамі, бандэролямі і тэлеграмамі: СІЗА-5, 213826, Бабруйск, 1-ы Пераезны завулак, 10, Андрэй Мікалаевіч Бяляўскі.
