«Любое наўмыснае пашкоджанне, што пацягне патэнцыйную ўцечку радыяцыі на ўкраінскім ядзерным рэактары, будзе парушэннем артыкула пяць НАТА», — напісаў у твітары брытанскі дэпутат, старшыня спецкамітэта па абароне ў Палаце грамад Тобіяс Элвуд.
Так ён пракаментаваў паведамленні ўкраінскага боку пра тое, што Расія нібыта плануе правакацыі на захопленай АЭС.
Элвуду адказаў член Палаты прадстаўнікоў Кангрэса ЗША Адам Кінзінгер: «Гэта нават не абмяркоўваецца. Любая ўцечка заб'е людзей у краінах НАТА. Гэта аўтаматычна артыкул пяць».
У артыкуле пяць статута НАТА гаворыцца, што напад на аднаго з членаў альянсу прыраўноўваецца да нападу на ўвесь блок.
