Учора на Зыбіцкай затрымалі некалькіх вулічных музыкаў, але адпусцілі без пратаколаў
Увечары 18 жніўня міліцыя затрымлівала музыкаў некалькіх гуртоў, якія гулялі на вуліцы Зыбіцкай у Менску, пісала выданне «Зеркало» са спасылкай на чытача. Па словах крыніцы выдання, АМАП павёз удзельнікаў трох музычных калектываў (у тым ліку кавер-групы Best Sound Band) з Зыбіцкай у РУУС.
Фота: Гурт Best Sound Band / Instagram
Пасля гэтая інфармацыя пацвердзілася. Знаёмая музыкаў, з якой звязалася выданне «Медыязона», пацвердзіла інфармацыю пра іх затрыманне. Але пры гэтым удакладніла, што «іх адпусцілі, пратрымаўшы некалькі гадзін у аддзяленні».
«Ні пратаколаў, ні папярэджанняў прад'яўлена не было», — расказала яна.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
