Памежны камітэт: Па бязвізе ўехалі ўжо 172 тысячы іншаземцаў, у асноўным літоўцаў
З 15 красавіка жыхарам Літвы і Латвіі спрасцілі магчымасць прыезду ў Беларусь, а з 1 ліпеня такую магчымасць атрымалі і палякі. Па звестках Дзяржаўнага памежнага камітэта, сваім правам на бязвіз ужо скарысталіся каля 172 тысяч іншаземцаў. Не раскрываецца, ці гаворка пра колькасць асоб, ці пра колькасць асобных уездаў.
Больш за ўсё з іх літоўцаў — 110 860 чалавек. Латышоў у Беларусь па бязвізе прыехала менш — 44 073 грамадзяніна і яшчэ 13 655 неграмадзян гэтай краіны.
Палякаў жа едзе зусім мала. З 1 ліпеня, паводле інфармацыі ДПК, у Беларусь па бязвізе прыехала іх толькі каля трох тысяч.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
