Фота: pixabay.com

Даследчыкі з іспанскага ўніверсітэта Мурсіі вызначылі лепшы час для сняданка, абеду і вячэры. Згодна з імі, калі есці менавіта ў гэты час, вы будзеце адчуваць сябе на працягу дня найбольш прадуктыўна, піша goodto.com.

Цікава, што іспанцы вызначылі час для ежы нават з дакладнасцю да хвілін. Згодна з імі, рэкамендавана снедаць пасля 7 гадзін раніцы, калі дакладней, у 7.11. Да абеду раяць прыступаць паміж 12.30 і 13 гадзінамі, найлепшы выбар — 12.38.

Што да вячэры, з ёй іспанцы таксама не раяць затрымлівацца. Яны рэкамендуюць знайсці да яе час паміж 18 гадзінамі і 18.30, калі зусім дакладна — сядайце за стол у 18.14.

Што рабіць, калі вы сава і ніколі ў жыцці не прачняцеся ў 7 раніцы? Тады пастарайцеся снедаць на працягу гадзіны пасля абуджэння. Такі расклад дапаможа трымаць пад кантролем узровень гармонаў голаду і даўжэй адчуваць насычанасць. І яшчэ адно назіранне: калі занадта позна абедаць і вячэраць, гэта можа прывесці да таго, што вы будзеце пераядаць ці выбіраць менш здаровую ежу.

Эксперты не спыніліся на гэтым і вызначылі таксама рэкамендаваны час для перакусаў. Яны раяць распачынаць перакусы ў 11.01, 15.14 і 21.31, а таксама пасля інтэнсіўных трэніровак і заўсёды, калі пасля мінулага прыёму ежы прайшло больш за 4 гадзіны.

У дадатак, важна не прапускаць прыёмы ежы. Напрыклад, пропуск сняданка звязваюць з пагаршэннем у вугляводным абмене і са з’яўленнем лішняй вагі, непатрэбныя кілаграмы пагражаюць і тым, хто прапускае абед ці вячэру. Нарэшце, ёсць даныя, што людзі, якія прапускаюць вячэру, менш спяць ноччу і часцей маюць дрэнныя звычкі накшталт курэння ці злоўжывання алкаголем.

6 здаравейшых за каву напояў, якія ўзбадзёраць з раніцы

Рэцэпт на выхадныя. Англійскія аладкі піклеты — новы варыянт смачнага сняданка

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

0
Валянціна / Адказаць
19.07.2022
Тэма фазы Месяца не раскрытая )
0
то-та я думаю... / Адказаць
19.07.2022
чаго гэта дзяўчына разгарнула складны столік і наразала салат прама ў вагоне метро а восьмай гадзіне раніцы. а тут вунь яно што
1
і як нашыя продкі без секундамера жылі? / Адказаць
19.07.2022
іспанскія вучоныя лепш бы прыдумалі што ад спякоты. "В некоторых районах Испании температура воздуха достигла 45 градусов. В период с 10 по 15 июля из-за жары умерли около 360 человек, сообщает Институт здоровья имени Карлоса III. 17 июля в Испании было зарегистрировано 36 пожаров, 24 из них активно распространялись, пишет газета El Pais. В общей сложности уничтожено более 20 тысяч гектаров леса, более двух тысяч человек эвакуированы из пожароопасных районов. Это уже вторая волна экстремальной жары в Испании — предыдущая была в середине июня. Температура тогда поднималась выше 40 градусов, умерли более 800 человек."
Каб пакінуць каментар, калі ласка, актывуйце JavaScript у наладах свайго браўзеру