У дзень абстрэлу, 14 ліпеня, Ліза з мамай ішла на заняткі да лагапеда. У дзяўчынкі быў сіндром Дауна, у паўгадовым узросце яна перажыла цяжкую аперацыю на сэрцы, расказала яе бабуля Ларыса.

Ліза загінула імгненна. Маму з траўмай жывата шпіталізавалі.

«Яны яе вельмі любілі. Я ўспамінаю, як бабуля распавядала, як яна прачынаецца з раніцы крыху раней, каб маму не будзіць, то да бабулі падыходзіць, адкрывае ёй вочы і кажа: «Не спі». А бабуля рабіла выгляд, што спіць, каб, магчыма, і яна яшчэ паспала, але яна рана прачыналася. У іх ёсць сабака мопс, не памятаю, як завуць, то яму таксама будзе цяжка, таму што Ліза на ім і спала, і ляжала. Усім цяжка, сям'і — цяжэй за ўсё», — расказала калега бабулі Галіна Сідарэнка.

Са слоў жа бабулі дзяўчынкі Ларысы, адразу пасля ракетнага ўдару мама Лізы ў тэлефоннай размове расказала, што яе дачка загінула. Але пакуль жанчына не памятае гэтага, а лекары забаранілі распавядаць пацыентцы праўду.

«У Ірыны стан цяжкі, праўда, стабільны. Добра, што яна прыйшла ў прытомнасць. Яна не ведае вельмі многіх абставінаў, і нават пра сённяшнюю падзею мы таксама яе яшчэ не інфармавалі. І спадзяемся проста на яе выздараўленне, на тыя сілы, якія неабходныя ёй, і тым людзям, якія пацярпелі ад трагедыі. Бо, акрамя гісторыі Ірыны і Лізанькі, ёсць яшчэ гісторыі, калі бацькі і дзеці пацярпелі», — кажа віннічанка Алена.

У выніку расійскай атакі ў Вінніцы загінулі яшчэ два хлопчыкі — сямі і васьмі гадоў. Адзін з іх праходзіў абследаванне ў медцэнтры, загінуў разам з мамай. Другі чакаў дзядзьку ў прыпаркаваным аўто і трапіў у вогненную пастку.

Расея зрабіла ракетны абстрэл Вінніцы ракетамі тыпу «Калібр» з падводнай лодкі з акваторыі Чорнага мора 14 ліпеня ў 10.45. Загінулі 24 чалавекі, сярод іх трое дзяцей. Медыцынскую дапамогу аказалі 202 людзям. У бальніцах горада працягваюць лячэнне 68 пацыентаў, сярод якіх 4 дзяцей. 

Чытайце таксама:

«Усяму свету ўсё роўна». Украінка, чыя маленькая дачка загінула пад ракетамі ў Вінніцы, паразмаўляла з журналістамі

Дзяўчынка, якая загінула ў Вінніцы, здымалася ў калядным роліку з Аленай Зяленскай

Украінскія ратавальнікі апублікавалі страшнае ФОТА з Вінніцы

Расіяне ўдарылі ракетамі па цэнтры Вінніцы. Шмат людзей загінула, у тым ліку дзеці

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

1
Himars / Адказаць
17.07.2022
А адкуль прыляцелi ракеты? Шклоуская пачвара павiнна за усё адказаць.
8
самае незалежнае выданне / Адказаць
17.07.2022
ваша нива, а чаму вы менавита зараз так давите на слязу?
бо я 2 гады не чытала вас. ну як не чытала... трохи заглядала канечне... але так - раз на месяц и на 2 сек
дык вы раней асаблива не писали пра вайну... а тут
пачали прам бамбиць гэтыми фотами няшчастных дзяучынак... чаму?
вам заплатили?
7
на обложках всех женских журналов / Адказаць
17.07.2022
а где же зеленская?
ведь ее так тронула смерть этой девочки…
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру