У Гродне ў апошні момант адмянілі фэст «Аўтанашэсце»
Фестываль «Аўтанашэсце», які планавалася правесці ў Гродне 2 ліпеня, не адбудзецца. «На жаль, «Аўтанашэсце» не адбудзецца 2 ліпеня. Прыносім выбачэнні ўдзельнікам і гледачам мерапрыемства. Мы паведамім асобна пра тое, што будзе з мерапрыемствам», — перадае autogrodno.by словы арганізатараў фэсту.
Афіша фэста «Аўтанашэсце»
Паводле неафіцыйнай інфармацыі, гарадскія ўлады не ўзгаднілі фэст, бо пабачылі парушэнне парадку арганізацыі масавага мерапрыемства.
У рамках «Аўтанашэсця» на паркоўцы ГЦ Old City планавалася выстава аўтаклубаў і рэдкіх аўтамабіляў, а таксама «Мотаджымхана». Потым меркавалася, што ўдзельнікі фэсту вялікай калонай адправяцца праз горад да клуба «База». Там мусіў прайсці адбор і выступленні самых гучных аўтамабіляў Беларусі.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
