Літоўская кампанія Belintertrans Baltic, якая належыць беларускай дзяржаве, трапіла пад санкцыі
Клайпедская транспартна-экспедытарская кампанія Belintertrans Baltic трапіла ў спіс літоўскіх кампаній, якія знаходзяцца пад санкцыямі Захаду супраць Расіі і яе алігархаў. 100% акцый гэтай літоўскай кампаніі належаць Беларускай дзяржаўнай кампаніі «Беларускі чыгуначны транспартна-лагістычны цэнтр»(«Белінтэртранс»).
Служба па расследаванні фінансавых злачынстваў (СРФЗ) Літвы паведамляе, што сродкі Belintertrans Baltic замарожаныя з-за сувязяў з Аляксандрам Лукашэнкам і міністрам транспарту і камунікацый Беларусі Аляксеем Аўраменкам.
Паводле звестак Рэестравага цэнтра, абарот Belintertrans Baltic летась зменшыўся на 9,8% да 32,2 млн еўра. Страты кампаніі зменшыліся на 47% да 252,6 тыс. еўра.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
