Тэлеканал «Беларусь 5» не будзе паказваць матч паміж футбольнымі зборнымі Беларусі і Казахстана
10 чэрвеня ў сербскім Нові-Садзе ў рамках Лігі нацый пройдзе матч паміж зборнымі Беларусі і Казахстана. Але, па інфармацыі карэспандэнта газеты «Прессбол» у Сербіі, беларускае тэлебачанне не зможа трансляваць дадзеную гульню.
Фота ілюстрацыйнае
Па непацверджанай інфармацыі, трансляцыя стала немагчымая з-за таго, што да пакета санкцый, уведзеных Еўрасаюзам, сёння далучылася Швейцарыя. Падрабязнасцяў пакуль няма.
Дырэктар «Беларусь 5» Павел Булацкі не змог пракаментаваць інфармацыю аб адмене трансляцыі матча паміж зборнымі Беларусі і Казахстана
«Цяпер каментар даць не можам, тэлефануйце ў панядзелак», — сказаў ён карэспандэнту «Прессбола».
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
