Разведка тлумачыць, што камандзіраў брыгад і батальёнаў накіроўваюць на перадавую насустрач небяспецы, бо яны нясуць бескампрамісную адказнасць за дзеянні сваіх падраздзяленняў. Гэтак жа малодшым афіцэрам даводзілася кіраваць тактычнымі дзеяннямі самага нізкага ўзроўню, паколькі ў войсках не хапае кадраў добра навучаных і надзеленых паўнамоцтвамі ваенных сяржанцкага складу, якія выконваюць гэтую ролю ў заходніх войсках.
Адзначаецца, што страта значнай часткі маладога пакалення прафесійных афіцэраў, верагодна, пагоршыць праблемы з мадэрнізацыяй падыходу да камандавання і кіравання.
Больш за тое, батальённыя тактычныя групы, якія ўзнаўляюцца ва Украіне з ацалелых частак некалькіх падраздзяленняў, хутчэй за ўсё, будуць менш эфектыўнымі з-за недахопу малодшых камандзіраў.
Улічваючы шматлікія вартыя даверу паведамленні аб лакальных бунтах сярод расійскіх сіл ва Украіне, недахоп вопытных камандзіраў узводаў і рот, верагодна, прывядзе да далейшага зніжэння баявога духу і захавання дрэннай дысцыпліны.
Раней у брытанскай разведцы канстатавалі, што Расія не змагла правільна выкарыстоўваць свае паветрана-дэсантныя войскі ва Украіне, што прывяло да значных страт у многіх элітных падраздзяленнях.
