«Яны кінулі ў гэтую бітву жудасна шмат тэхнікі і асабістага складу, і ўкраінцы нясуць страты, і рускія нясуць страты […] Рускія, сапраўды, маюць перавагу ў частцы людскіх рэсурсаў, тэхнікі і зброі, трэба проста мець гэта на ўвазе», — цытуе гэтага чыноўніка тэлекампанія CNN.
Па словах прадстаўніка Пентагона, цяпер ва Украіне дзейнічаюць 110 расійскіх батальёнаў — тактычных груп, і расіяне змаглі прасунуцца ў кірунку Славянска і Краматорска.
Генштаб Узброеных сілаў Украіны сцвярджае, што з пачатку вайны Расія страціла 1315 танкаў, больш за 800 гармат і ракетных сістэм залпавага агню, 206 самалётаў і 170 верталётаў.
