У Брэсцкай вобласці затрымалі мужчыну. Ён параўнаў Лукашэнку з Гітлерам
У «пакаянным» відэа мужчына распавядае, што ён працуе вартаўніком, і што затрымалі яго за тое, што ён быў зарэгістраваны ў плане «Перамога», у сацсетках параўноўваў Лукашэнку з Гітлерам і размяшчаў іх фотаздымки побач, а таксама быў падпісаны на тэлеграм-каналы, якія ў Беларусі прызнаныя экстрэмісцкімі, піша «Вясна».
Дома ў яго адбыўся ператрус, падчас якога знайшлі нацыянальны сцяг.
Паведамляецца, што затрыманаму прад'яўленыя абвінавачванні па артыкулах 369 КК («Абраза прадстаўніка ўлады»), 361-4 КК («Садзейнічанне экстрэмісцкай дзейнасці») і 361-1 КК («Стварэнне экстрэмісцкага фармавання або ўдзел у ім»).
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
