10 загінулых і 15 параненых пад абстрэлам заводу ў Аўдзееўцы — кіраўнік адміністрацыі
Кіраўнік украінскай адміністрацыі Данецкай вобласці Павел Кірыленка піша, што ў выніку абстрэлу расійскімі войскамі Аўдзееўскага коксахімічнага завода загінулі, паводле папярэдніх звестак, мінімум 10 чалавек, 15 атрымалі раненні.
Кірыленка сцвярджае, што пад абстрэл трапілі рабочыя, якія пасля змены чакалі аўтобуса.
Аўдзееўка знаходзіцца ля самай лініі фронту пад Данецкам. Вытворчасць на коксахімічным заводзе закансервавана. Завод не раз трапляў пад абстрэлы: пра абстрэл «градам», напрыклад, паведамлялася каля тыдня таму.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ