У Севастопалі развіталіся «з караблём і маракамі». Хоць экіпаж нібыта эвакуявалі
У анексаваным Расіяй Севастопалі прайшла цырымонія развітання з ракетным крэйсерам «Масква», які напярэдадні патануў у Чорным моры. На цырымоніі прысутнічалі ветэраны ВМФ і святар. На адным з жалобных вянкоў бачная стужка з надпісам «Караблю і маракам».
Пры гэтым у расійскім Мінабароны заяўлялі, што экіпаж патанулага крэйсера быў эвакуяваны. Але не ўдакладнялася, колькі менавіта чалавек на ім знаходзілася падчас патрапляння ў карабель украінскіх ракет «Нептун».
Украінскі бок сцвярджае, што экіпаж «Масквы» не змаглі эвакуяваць з-за шторму. І нібыта загінуў у тым ліку і капітан карабля Антон Купрын.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
