Delfi.lt

Delfi.lt

З 11 мая ў Літве плануюць трэці этап змякчэння каранціну, дазволяць невялікія сходы, паведаміў міністр культуры, піша Delfi.lt.

«У адпаведнасці з планам, ён (трэці этап змякчэння) можа пачацца 11 мая. Тады можна будзе збольшага пачаць правядзенне работы культурных устаноў, магчыма, абмежаваныя сходы», — сказаў 24 красавіка міністр культуры Літвы Міндаўгас Кветкаўскас.

«Для нас гэта вельмі актуальнае пытанне, мы ўзгадняем гэта і з установамі, і з асацыяцыямі. Паспрабуем узгадніць гэтыя пытанні да трэцяга этапу змякчэння каранціну», — сказаў ён. Па словах міністра, трэба знайсці рашэнне ў пытанні людзей з групы рызыкі, а таксама падабраць характарыстыку бяспечнай адлегласці.

«Нам трэба творча падысці да пошуку рашэнняў», — сказаў міністр.

Аднак ён падкрэсліў, што неабмежаваныя масавыя мерапрыемствы магчымыя толькі на апошнім этапе. «Самая высокая небяспека заражэння — падчас масавых мерапрыемстваў», — падкрэсліў міністр.

Ён паведаміў, што на змякчэнне наступстваў COVID-19 у сферы культуры ўрад выдзеліў 8,3 млн. еўра.

Нагадаем, што каранцін у Літве дзейнічае з 16 сакавіка.

Клас
0
Панылы сорам
0
Ха-ха
0
Ого
0
Сумна
0
Абуральна
0