Паведамленні ў СМІ аб стратах, якія нясуць краіны ЕС з-за санкцый з'яўляецца часткай інфармацыйнай прапаганды РФ.

Пра гэта заявіў міністр замежных спраў Латвіі Эдгар Рынкевічс у інтэрв'ю Delfi.lv.

«Гэтыя страшылкі мы чуем ужо больш за год: «Латвія больш за ўсё пацерпіць ад санкцый», «ВУП упадзе на 20%», «Страты будуць ацэньвацца ў мільярдах», — адзначыў ён.

Аднак, па словах міністра, статыстыка і эканамічныя паказчыкі ўсе гэтыя здагадкі абвяргаюць.

«Я ацэньваю такія паведамленні ў СМІ як частку інфармацыйнай прапаганды, мэта якой — пахіснуць прынцыповую пазіцыю Латвіі», — сказаў Рынкевічс.

На яго думку, мясцовы бізнес павінен пераарыентавацца на іншыя рынкі, паколькі працаваць толькі з адным партнёрам - ненадзейна.

Нягледзячы на драматычныя прагнозы расійскіх СМІ, санкцыі і контрсанкцыі Расіі практычна ніяк не адбіліся на эканамічных паказчыках краін Еўрасаюза. Яны пераарыентавалі плыні капіталу і пастаўкі сельгаспрадукцыі на іншыя краіны.

Клас
0
Панылы сорам
0
Ха-ха
0
Ого
0
Сумна
0
Абуральна
0

Хочаш падзяліцца важнай інфармацыяй ананімна і канфідэнцыйна?