Аляксандр Буханоўскі.

Аляксандр Буханоўскі.

Вядомы эксперт па серыйных забойцах Аляксандр Буханоўскі памёр на 70-м годзе жыцця ў Растове-на-Доне. Смерць наступіла ў ноч на 18 красавіка ў адной з бальніц горада. У яго былі праблемы з сэрцам.

Сусветную вядомасць прафесару Буханоўскаму прынесла яго работа ў якасці эксперта па справе маньяка Андрэя Чыкацілы. У 1984 г. па просьбе следчых псіхіятр склаў «праспектыўны» псіхалагічны партрэт серыйнага забойцы.

У ім Буханоўскі, у прыватнасці, вызначыў, што злачынец не пакутаваў псіхозам або разумовай адсталасцю. Ён таксама дакладна апісаў узрост, манеру паводзін маньяка і псіхалагічныя матывы забойстваў.

Пасля паўторнага затрымання Чыкацілы ў 1990 г. Буханоўскага зноў запрасілі ў якасці эксперта на допыт забойцы, які адмаўляўся прызнавацца ў злачынствах. Следства не мела наўпроставых доказаў супраць Чыкацілы, а тэрмін яго ўтрымання пад вартай мінаў. Пасля размовы з Буханоўскім маньяк прызнаўся ў 56 забойствах, хоць следству на той момант было вядома толькі пра 53 эпізоды.

Аляксандр Буханоўскі нарадзіўся ў Грозным ў 1944 годзе. Быў доктарам у трэцім пакаленні.

Клас
0
Панылы сорам
0
Ха-ха
0
Ого
0
Сумна
0
Абуральна
0

Хочаш падзяліцца важнай інфармацыяй ананімна і канфідэнцыйна?