Прэзідэнт Расіі Уладзімір Пуцін заявіў, што яму было вядома аб планаванай на кірмашы ў Гановеры акцыі прадстаўніц групы «Фэмен» і яна яму спадабалася. А што яны скандавалі, ён, маўляў, не разабраў.
Актывісткі руху Femen раздзеліся ў прысутнасці Пуціна і канцлеркі Германіі Ангелы Меркель на Гановерскай выставе, калі тыя аглядалі стэнд Volkswagen.
Актывісткі выкрыквалі нецэнзурныя лозунгі на англійскай мове. Іх затрымала ахова. Нецэнзурнымі надпісамі былі распісаны і іхныя целы.
На апублікаваных здымках відаць, што і Меркель, і Пуцін заўважылі акцыю. Меркель была выразна шакаваная, Пуцін успрыняў перформанс з гумарам.
