Вольга Класкоўская.

Вольга Класкоўская.

Яе другі муж Гёкай Безгін з сынам Адамам.

Яе другі муж Гёкай Безгін з сынам Адамам.

Вольга Класкоўская ад 30 сакавіка знаходзіцца ў жаночай турме Окерсбэрга ў Стакгольме.
Яна абвінавачваецца ў замаху на забойства свайго другога мужа. Меру стрымання для Вольгі шведскі суд будзе разглядаць 15 красавіка.

Радыё «Свабода» распытала пра сітуацыю сябра Класкоўскай, эмігранта з Беларусі ў Швецыю Алеся Ліцвінчыка.

З ягоных словаў, інцыдэнт, які прывёў да арышту, здарыўся ў кватэры мужа, якога зваць Гёкай Безгін.

Рэч у тым, што працэдура разводу не скончылася, і Вольга мела права жыць у мужавым памяшканні.

Са старшай дачкой Класкоўскай ад першага шлюбу, Міраславай, Ліцвінчык мае «кантакт праз тэлефон». «Яна сказала, што ў яе ўсё ёсць, усё выдатна, ежа ёсць. Грошы на тэлефон я ёй паклаў, яна цяпер мае кантакт са сваёй бабуляй у Беларусі. Але ў любы момант яна можа прыйсці да мяне жыць».

«Шведская паліцыя таксама турбуецца і шукае Міру, бо ёй усё ж усяго 11 гадоў. Але я пацвярджаю, што з ёю ўсё добра», — кажа Ліцвінчык.

З ягоных словаў, Міраслава можа або сам вылецець у Беларусь, або па яе можа прыляцець бабуля.

Дзе цяпер знаходзіцца былы другі муж Класкоўскай і што з ім, Ліцвінчык не ведае.

Алесь Ліцвінчык лічыць, што справа супраць Класкоўскай скончыцца яе дэпартацыяй у Беларусь.

Вольга Класкоўская — гэта эмігрантка з Беларусі. Яна атрымала статус палітычнай уцякачкі, што надало яе пабытовым канфліктам грамадскі розгалас і палітычнае вымярэнне.

Клас
0
Панылы сорам
0
Ха-ха
0
Ого
0
Сумна
0
Абуральна
0

Хочаш падзяліцца важнай інфармацыяй ананімна і канфідэнцыйна?