Някляеў, Брава, Глобус — у лонг-лісце прэміі Гедройца 23

Сёння быў абвешчаны лонг-ліст літаратурнай прэміі імя Ежы Гедройца. У спіс трапіла дванаццаць кніг.

Сёлета на прэмію былі вылучаныя 43 кнігі, сярод якіх ёсць і раманы, і зборнікі і нон-фікшн літаратуры.

У выніку лонг-ліст выглядае так:

Сяргей Балахонаў «Зямля пад крыламі Фенікса»

Альгерд Бахарэвіч «Гамбургскі рахунак Бахарэвіча»

Алена Брава «Рай даўно перанаселены»

Адам Глобус «Сказы»

Паліна Качаткова «Матылі»

Уладзімір Някляеў «Аўтамат з газіроўкай з сіропам і без»

Андрэй Пакроўскі «Як я перастаў верыць у Дзеда Мароза»

Алесь Пашкевіч «Сімъ ПобѢдиши»

Людміла Рублеўская «Авантуры Пранціша. Вырвіча, шкаляра і шпега»

Юры Станкевіч «Шал»

Уладзімір Сцяпан «Адна капейка»

Андрэй Федарэнка «Ланцуг»

Літаратурная прэмія Гедройца заснаваная ў 2011 годзе, яе памер складае 105 мільёнаў рублёў.

Прэмія прысуджаецца штогод за найлепшую кнігу, якая была выдадзеная (у папяровым або электронным варыянтах) на беларускай мове ў жанрах «мастацкая проза», «эсэістыка» (журы прэміі пакідае за сабой права вызначаць жанр твораў у спрэчных выпадках).

Намінаванне праходзіць у тры этапы. Спачатку абвяшчаецца лонг-ліст прэміі (12 пазіцый), за ім ― шорт-ліст (6 пазіцый). Абвяшчэнне і ўшанаванне пераможцаў адбываецца 3 сакавіка 2013 году, у Міжнародны дзень пісьменніка. Сярод узнагародаў ― магчымасць выдаць кнігу ў Польшчы, літаратурныя стыпендыі і запрашэнні ў еўрапейскія дамы творчасці. Першым лаўрэатам прэміі Гедройца стаў Павал Касцюкевіч, аўтар зборніка апавяданняў «Зборная РБ па негалоўных відах спорту».

Сачыць за навінамі прэміі можна на спецыяльным сайце.

Юрась Ускоў

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ