Euphoria! Pieramožca Jeŭrabačańnia Łaryn pryjedzie ŭ Biełaruś

Jana vystupić na adkryćci «Słavianskaha bazara» ŭ Viciebsku.

19.06.2012 / 10:10

Pieramožca «Jeŭrabačańnia-2012» šviedskaja vykanaŭca Łaryn (Loreen) vystupić padčas adkryćcia «Słavianskaha bazaru» ŭ Viciebsku 12 lipienia, paviedamlajuć arhanizatary.

Śpiavać jana budzie svaju znakamituju «Ejfaryju», ź jakoj pieramahła ŭ Baku ŭ mai.

Na ŭračystym adkryćci 21-ha Mižnarodnaha fiestyvala mastactvaŭ «Słavianski bazar» taksama vystupiać rasijskija «Buranaŭskija babuli», a taksama Alaksandr Rybak (Narviehija), Iryna Alehrava, Valeryja, Barys Maisiejeŭ, Alaksandr Razienbaum, «Pieśniary», «Siabry», Alena Łanskaja, «Litesound», Vierka Siardziučka (ci Andrej Daniłka) dy Krys Norman z Samantaj Foks dy inš.

Cana biletaŭ ad 460 tys. da 750 tys. Kancert projdzie ŭ Letnim amfiteatry ŭ Viciebsku 12 lipienia i pačniecca ŭ 20:30.

Nahadajem, što Łaryn atrymała ŭpeŭnienuju pieramohu na konkursie «Jeŭrabačańnie-2012», što prajšoŭ u Baku. Taksama padčas pobytu ŭ stalicy Azierbajdžana jana sustrełasia z tamtejšymi pravaabaroncami, čym vyklikała niezadavalnieńnie azierbajdžanskich uładaŭ.

nn.by