12-гадовы беларускі футбаліст зрабіў выбар паміж «Рэалам» і «Барселонай»
Аляксей Маёраў гуляе за дзіцячую «Серданьёлу» і ўсяго ў 12 гадоў ужо прыцягнуў увагу вялікіх каманд.
27.04.2024 / 12:46
Аляксей Маёраў. Фота: сацсеткі
Хлопчык абраў мадрыдскі «Рэал», піша адно з галоўных спартыўных медыя Іспаніі Marca.
Лёша сваёй гульнёй прыцягнуў увагу двух вядучых клубаў Іспаніі. «Барселона» рабіла ўсё, каб атрымаць малога беларусіка, які прягнуў сваёй манерай гульні і той прыроджанай лёгкасцю, з якой ён забівае галы. Яна нават запрасіла яго на мінулы матч дарослай каманды, але і сам хлопец, і яго атачэнне далі ясна зразумеюць: яго будучыня за «Рэалам». Таксама хлопчыкам цікавіўся ПСЖ.
«У гэтым выпадку няма ніякіх праблем з-за яго ўзросту або паходжання, бо яго пражыванне ў Іспаніі азначае, што змена каманды можа адбыцца без якіх-небудзь праблем. Аднак «Рэал Мадрыд» запытаў усе магчымыя дакументы, каб пазбегнуць лішніх страхаў. Клуб вельмі ўважліва ставіцца да гэтых дэталяў, перш чым падпісаць непаўналетняга», — піша Marca.
Раней паведамлялася, што каралеўскі клуб гатовы быў выкласці за яго 120 тысяч еўра.
Лёша звярнуў на сябе ўвагу каля пяці гадоў таму, калі на адкрыцці фан-зоны да чэмпіянату свету па футболе ў Мінску змог набіць мяч 12 тысяч разоў. Тады ён трэніраваўся ў футбольнай акадэміі мінскага «Дынама», а яшчэ хадзіў на заняткі па футбольным фрыстайле, боксе, барацьбе і плаванні.
У 2022 годзе Аляксей узяў удзел у Кубку Калыванава ў складзе «Мінска». Там малады талент у адным матчы супраць «Акадэміі Слуцкага» забіў усе 7 мячоў сваёй каманды.
Пасля гэтага трохі пагуляў у Расіі. У складзе «Спартака» U-12 Лёша забіў 7 галоў за дзве гульні, адправіўшы ў вароты «Лакаматыва» покер.
Зусім нядаўна Аляксей з сям'ёй пераехаў у Іспанію, дзе пачаў свой шлях у сістэме «Эспаньола», потым перайшоў у «Серданьёлу».
12-гадовы футбаліст з Беларусі Аляксей Маёраў заключыў кантракт з Adidas
Беларускім тэлеканалам дазволілі паказваць пірацкія трансляцыі Еўра-2024
14 гульцоў «Сочы» атруціліся ў Грозным перад матчам з «Ахматам». Іх усё роўна прымусілі гуляць