Кейт і Уільям падзякавалі ўсім за разуменне і падтрымку
Прадстаўнік Кенсінгтонскага палаца заявіў, што прынц і прынцэса Уэльскія вельмі кранутыя добрымі словамі падтрымкі, якія яны атрымалі пасля таго, як у Кэтрын дыягнаставалі рак.
24.03.2024 / 11:31
Жанчына глядзіць тэлевізар, калі Кэтрын, прынцэса Уэльская, абвяшчае, што яна праходзіць прафілактычны курс хіміятэрапіі ад раку, 22 сакавіка 2024 г., Лонданя. Фота: Leon Neal / Getty Images
У заяве таксама дадаецца, што яны ўдзячныя, што грамадскасць зразумела іх просьбу аб прыватнасці.
Кэтрын у відэазвароце ў пятніцу расказала, што пачала лячэнне. Ёй паставілі дыягназ пасля аперацыі на брушной поласці.
Прэс-сакратар Кенсінгтонскага палаца паведаміў: «Прынц і прынцэса надзвычай крануты добрымі паведамленнямі людзей тут, у Вялікабрытаніі, па ўсёй Садружнасці і па ўсім свеце».
Кароль Чарльз і каралева Каміла, якія ведалі пра стан прынцэсы яшчэ да таго, як было абвешчана, заявілі, што будуць працягваць падтрымліваць яе і прапаноўваць сваю «любоў і падтрымку ўсёй сямʼі ў гэты цяжкі час».
Іншыя члены каралеўскай сямʼі таксама выказалі сваю падтрымку прынцэсе і прынцу Уэльскаму.
Так, брат прынца Уільяма Гары разам з жонкай Меган Маркл адправілі з ЗША наступнае паведамленне: «Жадаем здароўя і выздараўлення Кэтрын і яе сямʼі». Герцаг і герцагіня Сасэкскія выказалі надзею, што ў Кэтрын і яе сямʼі будзе дастаткова асабістай прасторы для гэтага.
Паводле Daily Mail, пара, як і іншыя людзі, не блізкія да каралеўскай сямʼі, нічога не ведала аб хваробе прынцэсы і даведаліся пра гэта з навін.