Хуткасную чыгуначную магістраль з Масквы ў Мінск калі і пракладуць, то вельмі няхутка
«Расійскія чыгункі» вызначыліся, куды і калі будуць пракладаць высакахуткасныя магістралі, пра якія ў сваім пасланні парламенту нядаўна гаварыў нават сам Уладзімір Пуцін. Першай будуць весці трасу Масква — Санкт-Пецярбург, а потым у парадку чарговасці — Масква — Екацярынбург, Масква — Адлер, Масква — Мінск і Масква — Разань. Гэта вынікае з прэзентацыі першага намесніка генеральнага дырэктара «Расійскіх чыгунак» Сяргея Кобзева, піша РБК.
06.03.2024 / 19:31
Адносна тэрмінаў Кобзеў не выключыў, што «дзесьці да канца 2028-2029 гадоў» ужо можна будзе паехаць у Санкт-Пецярбург першым расійскім высакахуткасным цягніком.
Але купляць яго ў некага расейцы не хочуць, а мерацца збудаваць самі. Таму тэрміны могуць зацягнуцца і куды далей. Да мінскага ж кірунку рукі дойдуць добра калі ў наступным дзесяцігоддзі.
Чытайце таксама:
У сваім звароце Пуцін узгадаў Беларусь толькі аднойчы. І кантэкст вам не спадабаецца
З Мінска хочуць запусціць цягнік у Маскву з хуткасцю да 400 км/г. Што не так з праектам?
Беларуская чыгунка дала парадаксальны адказ, чаму англійская мова знікла з галоўнага вакзала краіны