Відэазапіс з кулуараў мінскіх перамоваў. Парашэнка: «Ён брудна гуляе». Лукашэнка: «Я ведаю!.. А ўсе гэта зразумелі»
04.01.2016 / 20:20
Журналісты звярнулі ўвагу на кароткі дыялог аб Пуціну паміж прэзідэнтамі Украіны і Беларусі ў кулуарах Мінскай канферэнцыі.
Ахоўнік прэзідэнта Украіны выпадкова зачапіў аператара і Пятро Парашэнка дапамог таму падняцца. Гэта і прыцягнула ўвагу журналістаў да запісу, ён трапіў у інтэрнэт.
Але блогераў уразіла кароткая гутарка паміж Парашэнкам і Лукашэнкам, што гучыць у гэтым эпізодзе.
Стомлены доўгімі перамовамі ўкраінскі прэзідэнт, каментуючы ход мірных перамоваў, скардзіцца беларускаму калегу: «Цяжка… Ён несумленна, брудна гуляе, — сказаў Парашэнка.
Пад «ім», відавочна, маецца на ўвазе не хто іншы, як Пуцін.
«Я ведаю!.. А ўсе гэта зразумелі», — спачувальна адказаў Лукашэнка.