У цэнтры Мінска выцягнулася даўжэзная чарга па танную вопратку ФОТА
17.11.2014 / 14:07
Палац мастацтва знаёмы мінчукам не столькі мастацкімі выставамі, колькі ў якасці месца правядзення танных ярмарак мёда, адзення і гаспадарчых тавараў.
Сёння у шатрах на ганку Палаца мастацтваў адкрыўся чарговы кірмаш. Прадаўцы анансавалі нізкія кошты — джынсы па 100 тысячаў, пухавікі па 400. Такія прапановы прыцягнулі дзясяткі людзей, у асноўным пенсіянераў, якія выстраіліся ў даўжэзную чаргу. Яна стаіць ад раніцы.
«Маркетолаг ПП «Экспанент» Наталля Дашкевіч паведаміла «НН», што ад 14:30 людзям у чарзе будуць раздаваць гарбату».
У чарзе стаяць у асноўным пенсіянеры.
Людзям на месцы раздаюць рэкламныя ўлёткі з прапановамі.
Працуе і зазывала з мегафонам.
Прадавец тавараў для кухні.
Пакупнікоў пасцельнай бялізны прапускаюць без чаргі.
Адзінкі спрабуюць прабрацца да распродажу без чаргі праз уваход на ганак з боку двара.