«Pamažycie!» Jak cichary zatrymlivali anarchista Truchanoviča i pieraškadžali žurnalistkam NN — videa
26.04.2013 / 23:43
26 krasavika padčas «Čarnobylskaha šlachu" ŭ dvary doma za «Makdonaldsam», što na Bahdanoviča, byŭ žorstka zatrymany anarchist Ihar Truchanovič. Taksama milicyja pieraškadžała žurnalistkam «Našaj Nivy» zdymać na videa heta zatrymańnie:
Što atrymałasia źniać — hladzicie na videa:
Paśla hetaha žurnalistak «NN» zatrymali na prypynku tralejbusa № 40 la zavoda «Haryzont».
Zatrymańnie adbyvałasia nastupnym čynam:
u tralejbus na prypynku zajšli supracoŭniki pravaachoŭnych orhanaŭ. Adzin ź ich ukazaŭ rukoj na žurnalistak: «Heta i heta»,paśla čaho ich vyvieli z tralejbusa i zaviali ŭ sini «falksvahien», jaki stajaŭ pobač i, vierahodna, jechaŭ za tralejbusam.
Supracoŭniki nie nazvali svajho imia i nie paviedamili, kudy viazuć, zabrali mabilnyja telefony. Zatym pryvieźli da Savieckaha RUUS. U mašynie ŭ žurnalistak pierahledzieli kasiety z akcyi, a taksama fotaaparat i fłeški z mabilnych telefonaŭ. Pravieryli dakumienty.
Prykładna praz hadzinu paśla zatrymańnia žurnalistak adpuścili biez składańnia pratakołu.
Jašče adno videa zatrymańnia Truchanoviča źniała i vykłała ŭ svoj Fejsbuk Darja Katkouskaja